Liga më e fortë e basketbollit në botë, NBA, ka filluar sezonin e ri me dy ndeshje gjatë natës së mbrëmshme, ose mëngjesin e ditës së sotme me kohën tonë lokale.
Në ndeshjen hapëse për këtë sezon u përballen kampioni në fuqi i NBA, Denver Nuggets ndaj Los Angeles Lakers, shkruan Arbresh.info.
Denver ka fituar këtë ndeshje me rezultat 119-107, duke e filluar sezonin në mënyrën më të mire të mundshme, njëjtë sikurse e përfunduan sezonin e kaluar me triumfin e NBA.
Lojtari më i dalluar në këtë sfidë ishte Nikola Jokic i cili ka arritur të realizoj triple-double, me 29 pikë, 13 kërcime dhe 11 asistime.
Performancë të mirë bënë edhe Jamal Murray me 21 pikë e Caldwell Pope me 20 sosh.
Për Lakers nuk mjaftoi performanca e mirë e LeBron Jamesit me 21 pikë, 8 kërcime e 5 asistime përtë shmangur humbjen.
Kurse në ndeshjen tjetër ndërmjet Golden State Warriors dhe Phoenix Suns, triumfuan mysafirët me rezultat të ngushtë 104-108.
Tandemi Booker-Durant shkëlqyen për Suns, ku i pari realizoi 32 pikë, 6 kërcime dhe 8 asistime, ndërsa KD luajti me shifrat double-double, prej 18 pikësh e 10 kërcimesh, teksa shtoi edhe 3 asistime.
Për GSW, padyshim më i miri ishte Stephan Curry me 27 pikë, 5 kërcime e 1 asist, por që përkrahja ekipore ishte e mangët për të fituar.
NBA do të vazhdojnë spektaklin basketbollistik për çdo mbrëmje tash e tutje me duele mjaftë interesante.
Kujtojmë që kampion në fuqi është Denver Nuggets, që mposhti në finale Miami Heat, 4-1 në ndeshjet finale./Arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite